Эрон АҚШга таҳдид қилди: ҳарбийлар охирги нафасигача жангга тайёр

Эрон қуролли кучлари бош қўмондони Амир Хатамий мамлакат ҳарбийлари АҚШ ва Исроилга қарши “охирги нафасигача” жанг қилишга тайёрлигини билдирди.

Al Jazeera хабарига кўра, у Эрон армияси куни муносабати билан сўзлаган нутқида мамлакат қўшинлари душманга қарши сўнгги нафасигача қаршилик кўрсатишини айтган.

Хатамийнинг таъкидлашича, ҳарбийлар қуролини шай ҳолда ҳам жангга, ҳам қурбонликка тайёр туради.

Шунингдек, у Эрон ўз суверенитетини ҳимоя қилиш учун қуруқликда, ҳавода ва денгизда курашни давом эттиришини қўшимча қилди.