Эрон АҚШ ҳужумлари қайта бошланса, жавоб зарбалари беришини билдирди

Эрон ташқи ишлар вазири Аббос Ароқчий АҚШ президенти Доналд Трампнинг можарони “охиригача етказиш” ҳақидаги таҳдидларига жавоб қайтарди. Бу ҳақда New York Post хабар берди.

“Сиз охирги марта ишни “охиригача етказмоқчи”бўлганингизда, Эрон янада кучайди. Яна омадингизни синаб кўрмоқчимисиз? Марҳамат. Аммо эҳтиёт бўлинг, бизнинг ҳам ҳали тугалланмаган ишларимиз бор”, — деди Ароқчий.

Унинг айтишича, АҚШ Теҳроннинг шартларини, жумладан, нефт санкциялари ва денгиз блокадасини бекор қилиш талабини қабул қилса, Ҳўрмуз бўғози яқин кунларда тўлиқ очилиши мумкин.