Эрон АҚШ билан музокараларда келишувга эришилмаётгани сабабини айтди

Эрон Ташқи ишлар вазирлиги АҚШнинг ҳаддан ташқари талаблари Вашингтон ва Теҳрон ўртасида келишувга эришишга тўсқинлик қилаётганини билдирди.

Мамлакат ташқи сиёсат идорасининг расмий вакили Исмоил Бақоий брифинг давомида шундай фикр билдирди.

Журналистлар икки давлат ўртасидаги музокараларда нима сабабдан олдинга силжиш кузатилмаётгани ҳақида савол беришди.

Бунга жавобан дипломат музокаралар жараёнидаги асосий тўсиқ сифатида Америка томонининг позициясини кўрсатди.

«Ҳаддан ташқари талаблар», — деди Бақоий келишувга эришиш йўлида нима тўсқинлик қилаётганини изоҳлар экан.