Эрдўғон: “Жанубий Кавказ, Осиё ва Европа мамлакатлари Эрондаги урушга тортилиши мумкин”

АҚШ ва Исроилнинг Эронга қарши уруши Туркия, Форс кўрфази, Осиё, Жанубий Кавказ ва Европага тарқалиши мумкин.

Бу ҳақда Туркия президенти Ражаб Тоййиб Эрдўғон мамлакатда аккредитациядан ўтган дипломатлар учун ташкил этилган ифторда маълум қилди.

У Туркия бошқа давлатларнинг бу можарога аралашишининг олдини олиш ва минтақада тинчлик ва барқарорликни ўрнатиш учун қўлидан келган барча ишни қилишини таъкидлади.

Унинг қўшимча қилишича, Туркия Эроннинг Озарбайжонга қарши дрон ҳужумларини қоралади: "Биз Эроннинг минтақадаги бошқа давлатларга, биринчи навбатда Озарбайжонга ҳужумлари хато эканлигини бир неча бор таъкидлаганмиз".

Туркия президенти АҚШ, Исроил ва Эрон ўртасидаги ҳозирги урушнинг оқибатлари бутун дунёга таъсир қилишини таъкидлади.