Эрдўған: Россия-Украина урушида НАТО тарафини тутмаслик керак

Туркия Россия-Украина урушини тугатиш учун саъй-ҳаракатларини кучайтирди.

Бу ҳақда Туркия президенти Ражаб Тоййиб Эрдўғон НАТО бош котиби Марк Рутте билан учрашув чоғида маълум қилди, деб хабар бермоқда “ТРТ Ҳабер” телеканали.

Икки томонлама муносабатлардан ташқари, Россия-Украина уруши ҳам муҳокама қилинди.

Эрдўған Туркиянинг иттифоққа катта аҳамият беришини таъкидлади.

У, шунингдек, Анқара терроризмга қарши курашда иттифоқчиларидан ёрдам кутаётганини таъкидлади:

"Туркия НАТОни кучли қилиш учун қўлидан келганини қилишда давом этади. НАТО Россия-Украина урушида бир томон сифатида қабул қилинмаслиги керак. Келишув имкониятини қадрлаш керак".