Буюк Британия қироличаси Елизавета II коронавирус пандемияси бошланганидан буён илк маротаба тадбирда иштирок этиш учун Виндзор қасридаги қароргоҳини тарк этди.
Sky News телеканалининг хабар беришича, Ҳазрати Олиялари набираси, шаҳзода Уильям ҳамроҳлигида янги энергия таҳлил марказини очиш учун Солсбери яқинидаги Портон-Даун лабораториясига ташриф буюрган.
Тадбир доирасида Қирол оиласи аъзолари Буюк Британияни терроризм ва жиноятчиликдан ҳимоя қилиш билан шуғулланувчи мутахассислар, шунингдек, CОVID-19ни ўрганаётган ҳамда соғлиқни сақлаш тизимига аҳолида вирус борлигини аниқлаш бўйича тест-синовлари даражасини оширишда ёрдам бераётган олимлар билан учрашишган.
Эслатиб ўтамиз, Елизавета II хавфсизлик масаласи туфайли шу йилнинг март ойида турмуш ўртоғи - 99 ёшли шаҳзода Филипп билан биргаликда Лондонда жойлашган Букингем саройидан Виндзорга кўчиб ўтган.
Зеро, таъкидланишича, Букингем саройида 500 га яқин, Лондоннинг марказидан 40 км узоқликда жойлашган Виндзор қасрида эса 100 га яқин киши ишлайди, бу эса CОVID-19ни юқтириб эҳтимолини сезиларли даражада камайтиради.
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
Россия ҳукумати бунга рози бўлди
