Эквадорда шахта яқинида тўқнашувда беш киши ҳалок бўлди

Эквадор жанубидаги шахта яқинида жиноий гуруҳ тўқнашуви оқибатида камида беш киши ҳалок бўлди, яна уч киши жароҳат олди.

Бу ҳақда мамлакат полицияси Х ижтимоий тармоғида маълум қилди.

«Сешанба куни эрталаб уюшган жиноий гуруҳлар аъзолари ўртасидаги тўқнашув Азуай провинциясидаги Камило-Понсе Анрикес кантонидаги конда беш кишининг ўлимига сабаб бўлди. Уч киши жароҳат олди», — дейилади хабарда.

Ҳуқуқ-тартибот идоралари ҳодисага алоқадорларни қидирмоқда.