Нашр хабарига кўра, Христиан-демократик иттифоқ/Христиан-социал иттифоқ (ХДИ/ХСИ) консерватив блоки номзоди Бундестаг депутатларининг зарур бўлган 316 овозини қўлга кирита олмади. Мерцни номзодини 310 депутат қўллаб-қувватлади, 307 нафари эса унга қарши чиқди. Яна уч депутат бетараф қолди.
Фоcус нашрининг ёзишича, энди Бундестаг Мерц ёки бошқа номзодни канцлер этиб сайлаши учун 14 кун вақтга эга. Овоз бериш босқичлари сони чекланмаган, бироқ ғалаба қозониш учун барибир 316 овоз керак бўлади. Агар бу муддат ичида ҳеч бир номзод етарли овоз тўплай олмаса, канцлер этиб сайланиш учун кейинги босқичда оддий кўпчилик овози кифоя қилади.
Германия матбуотининг хабар беришича, бугун Бундестаг канцлер сайлови бўйича янги овоз бериш ўтказмайди. Овоз бериш эртага, 7 май куни бўлиб ўтиши мумкин, аммо расмий сана ҳали эълон қилинмаган.
2025 йил феврал охирида бўлиб ўтган муддатидан олдин парламент сайловлари натижасида консерватив ХДИ/ХСИ блоки биринчи ўринни эгаллагач, Фридрих Мерц Германиянинг янги канцлери бўлиши кутилаётган эди. Der Spiegel нашрининг қайд этишича, бунгача канцлер лавозимига номзод кўпчилик овозини ололмаган ягона ҳолат 1972 йилда юз берган.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
