Тожикистон ва Қирғизистон президентлари Имомали Раҳмон ва Садир Жапаров икки давлат ўртасидаги чегара тўғрисидаги шартномани ратификация ёрлиқларини алмашиш тўғрисидаги протоколни имзоладилар.
Тантанали маросим Тожикистоннинг Сўғд вилояти маъмурий маркази Хўжанд шаҳрида бўлиб ўтди.
Эслатиб ўтамиз, 13 март куни республикалар ўртасида баҳсли ҳудудлар бўйича қарийб 23 йиллик музокаралардан сўнг Раҳмон ва Жапаров Бишкекда чегара бўйича келишув имзолаган эди. Кейинчалик у икки давлат парламентлари томонидан ратификация қилинган.
Қирғизистон ва Тожикистон ўртасидаги чегаранинг узунлиги қарийб 980 км. 2002 йилнинг декабрь ойидан буён унинг чегараларини белгилаш бўйича музокаралар давом этмоқда. Ушбу муаммонинг ҳал қилинмагани икки республика маҳаллий аҳолиси ва ҳарбий хизматчилари ўртасидаги низоларга, жумладан ўқотар қуроллардан фойдаланишга бир неча бор сабаб бўлган. Улардан охиргиси 2022 йил куз ойининг бошларида содир бўлган. 2014 йилдан буён қирғиз-тожик чегарасида жами 10 дан ортиқ жиддий можаро содир бўлган. Душанба куни Халқаро Наврўз байрами муносабати билан Хўжандда тарихда илк бор Тожикистон, Қирғизистон ва Ўзбекистон президентларининг уч томонлама учрашуви бўлиб ўтади. Ушбу саммит давомида етакчилар уч республика чегараларининг туташ нуқтаси бўйича келишув имзолаши кутилмоқда.
🔴 БАА судидан шов-шувли қарор: ўзбекистонликлар ўлимга ҳукм қилинди!
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ Украина билан урушдан кейин Россия учун янги режа таклиф қилади
