Дунёнинг энг зўр 10 футболчиси эълон қилинди

ESPN нашри 2026 йил учун дунёдаги энг кучли 10 футболчи рўйхатини эълон қилди. Талабалар ва мутахассислар овозига асосланган ушбу танловда биринчи ўринни «Барселона» ва Испания терма жамоаси юлдузи Ламин Ямал эгаллади.

Кучли учликка «Реал» яримҳимоячиси Жуд Беллингем ҳам кирди — у иккинчи поғонадан жой олди.

Учинчи ўринни эса «Бавария» ҳужумкор ўйинчиси Майкл Олисе қўлга киритди. Унинг жамоадоши, «Олтин тўп» соҳиби Харри Кейн бу сафар бешинчи ўрин билан кифояланди. Тўртинчи поғона «Барселона»нинг яна бир вингери Рафиньяга насиб этди.

Йилнинг энг яхши ўйинчилари ўнталигидан Килиан Мбаппе, Деклайн Райс, Эрлинг Холанд, Педри ва Витинья ҳам ўрин олди. Умумий рўйхатда «Барселона»дан уч нафар футболчи қайд этилган. «Реал» ва «Бавария»дан иккитадан, «Арсенал», «Манчестер Сити» ва «ПСЖ»дан эса биттадан ўйинчи дунёдаги энг кучли ўнликка кирди.