Kawasaki компанияси (Япония) Osaka Kansai Expo кўргазмасида ноқулай жойларда ҳаракатланишга мўлжалланган Corleo робот-отнинг концептуал моделини намойиш этди. Бу ҳақда Хабр портали хабар берди.
Corleo электр энергияси ишлаб чиқариш учун 150 куб водородли двигатель билан жиҳозланган бўлиб, у отнинг тўртта оёғининг ҳар бирини қувватлантиради. Уни бошқариш фойдаланувчининг мувозанати ва хавфсизлигини таъминлаш учун жойдаги ҳолатни таҳлил қилувчи сунъий интеллектга эга борт компьютери томонидан таъминланади.
Робот-от ҳар қандай ландшафтда, жумладан, тоғли ва қорли ҳудудларда ҳаракатланишга мўлжалланган. Унда турли сиртларга мослашувчи ноёб туёқлар ва водород даражаси, йўналиш ва бошқа параметрларни акс эттирувчи асбоблар панели мавжуд. Кечаси ҳайдаш учун қурилма йўл маркерларининг проекциясидан фойдаланиб, оптимал ҳаракатни таъминлайди.
Corleoнинг орқа оёқлари олдинги оёқлардан мустақил равишда ҳаракатлана олади, бу эса юриш ёки югуриш пайтида зарбани қабул қилиш ва барқарорликни сақлаш имконини беради.
Ушбу босқичда робот-от концептуал ҳолатдаги транспорт воситасидир. Kawasaki бундай автомобилларни ишлаб чиқаришни фақат 2050 йилдагина бошлашни режалаштирмоқда. Тижорий версиянинг нархи ҳозирча ошкор этилмади. Ишлаб чиқарувчи ушбу қурилма шахсий транспортнинг янги тоифасига айланиб, аввал бориш қийин бўлган жойларга хавфсиз саёҳат қилиш имконини беришига ишончи комил, деб хабар беради gazeta.ru.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
