"Норвегия пенсия жамғармаси мамлакат молия вазирлигининг акциялар индексига кирмайдиган Исроилнинг 11 та компаниясидаги инвестициялардан воз кечишга қарор қилди. Бу инвестициялар “иложи борича тезроқ” сотилиши белгиланган", дея хабар бермоқда агентлик.
Бундан ташқари, жамғарма Ғазо сектори билан боғлиқ вазият сабабли Исроилдаги барча ташқи бошқарувчилар билан тузилган шартномаларни бекор қилади.
"Бу чоралар фавқулодда ҳолатларга жавобан кўрилмоқда. Ғазодаги вазият жиддий гуманитар инқироздир. Биз уруш ҳолатидаги мамлакатда фаолият юритаётган компанияларга сармоя киритмоқчи эмасмиз, Ғарбий cоҳил ва Ғазо секторидаги вазият эса сўнгги вақтларда ёмонлашди", — дея изоҳ берди жамғарма раҳбари Николай Танген.
Маълумотларга кўра, жамғарма 61 та Исроил компаниясига сармоя киритган бўлиб, портфелде қолган исроиллик компанияларга янги инвестициялар киритилмаслиги белгиланган.
Норвегия 2024 йил май ойида Фаластин мустақил давлат сифатида тан олган эди.
Маълумот учун, Норвегия пенсия жамғармаси дунёдаги энг йирик суверен фонд ҳисобланиб, унинг активлари қиймати 1,7 триллион доллардан ошади.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Орбан: "Европа Россия билан урушга тайёрланмоқда"
