Мутахассислар дунёдаги энг даҳшатли сайёҳлик масканини эълон қилишди. Бу ҳақда “The Sun” хабар бермоқда.
У Мексиканинг Мехикоси яқинидаги қўғирчоқ ороли бўлиб чиқди.
Афсонага кўра, оролда яшаган руҳоний Хулиан Сантана Баррера бир куни номаълум қизнинг қичқириғини эшитиб қолади. Эркак товушни эшитиб воқеа жойига келганида қиз йўқ, сувда эса бир қўғирчоқ сузаётган бўлади. Руҳоний марҳуманинг хотирасига бағишлаб ўша қўғирчоқни дарахтга осиб қўяди.
2001 йилдаги вафотигача Баррера сувдан жуда кўплаб қўғирчоқларни топиб олади. Уларни ўлган қизнинг руҳини тинчлантириш учун дарахтларга осиб чиқади.
Айтилишича, руҳонийдан ташқари, оролда бошқа ҳеч ким яшамаган, шунинг учун ҳеч ким унинг воқеасини исботлай ёки рад этолмайди. Сайёҳлар, қоронғ ва ваҳимали бўлишига қарамай, минглаб қўғирчоқлар билан безатилган оролга боришдан тўхтамаяптилар.