Бугун, 12 апрель куни савдолар чоғида шакар нархи бир тонна учун 705 АҚШ долларига етди.
Лондон фонд биржасида шакар бир тонна учун 701,7 АҚШ долларидан сотилмоқда ва биржада шакар нархи 2011 йилдан бери энг юқори даражага кўтарилди.
Bloomberg маълумотларига кўра, нархларнинг мисли кўрилмаган ўсишига Ҳиндистондан шакар экспорти қисқариши, шунингдек, бошқа мамлакатлар — Покистон ва Таиланддан етказиб беришнинг камайиши кутилаётгани сабаб бўлиши мумкин.
Бундан ташқари, Бразилиянинг жаҳон бозорларига шакар етказиб бериш ҳажми мамлакатда бензин нархининг ошиши туфайли пасаймоқда. Бу эса истеъмолчиларни биоёқилғи ва этанолга ўтишга ҳам мажбур қилган.
