Де Хеа Туркияга кўчиб ўтиши мумкин

Айни вақтда А Сериянинг “Фиорентина” жамоасида тўп тепаётган испаниялик дарвозабон Давид де Хеа Туркия Суперлигасига ўтиши мумкин. Бу ҳақда Todofichajes портали журналистлари хабар бермоқда.

Манбага кўра, 34 ёшли дарвозабонни ўз сафига қўшиб олишга Истанбулнинг "Фенербахче" клуби қизиқмоқда. Де Хеа турк гранди сафига эркин агент сифатида қўшилиши мумкин, чунки унинг "бинафшаранглар" билан шартномаси 2025 йилнинг июн ойи охиригача амал қилади.

Италия чемпионатининг жорий мавсумида Давид Флоренция жамоаси сафида 33 та ўйин ўтказди. У ўз дарвозасидан 34 та гол ўтказиб юборди.