Ўзбекистонда давлат рақам белгиларини олиш жараёнидан инсон омилини чиқариб ташлаш ва шаффофликни таъминлаш мақсадида «AvtoRaqam» мобил иловаси ишга туширилди. Ушбу тизимнинг жорий этилиши натижасида эндиликда ҳар бир фуқаро ҳеч қандай воситачилар ёки ўртакашларсиз, мустақил равишда ўзига маъқул келган рақам комбинациясини танлаши ва сотиб олиши мумкин.
Жорий йилнинг 1 январидан бошлаб биржа аукционлари ҳамда «чиройли» рақамларни оширилган ставкаларда бериш амалиёти тўхтатилган эди. Янги илова жисмоний ва юридик шахсларга, шунингдек, фуқаролиги бўлмаган шахсларга ҳам реал вақт режимида бўш рақамларни кузатиш имконини беради.
Тизимнинг энг муҳим жиҳати шундаки, фойдаланувчи илова орқали рақамни банд қилади, тўловни амалга оширади ва жараённи шахсий кабинетида кузатиб боради. Бу эса ортиқча оворагарчиликларнинг олдини олиб, жараённинг тўлиқ шаффоф бўлишини таъминлайди.
Иловани App Store ва Play Market платформаларидан юклаб олиш имконияти мавжуд.
Эронда 19 ёшли спортчи дорга осиб қатл этилди
Эрон Трампнинг Ҳормуз бўғозини очиш ҳақидаги ультиматумига жавоб берди
Трампнинг онаси ўғли ҳақида: "У ақлсиз..."
