Давлат котиби АҚШга ноқонуний муҳожирлар оқимини камайтиргани учун Мексикага миннатдорчилик билдирди

АҚШ Давлат котиби Марко Рубио Мексика ташқи ишлар вазири Хуан Рамон де ла Фуэнте билан телефон орқали суҳбатда мексикаликларга Мексика-Америка чегарасидан ноқонуний муҳожирлар оқимини камайтириш имконини берган биргаликдаги ишлари учун миннатдорчилик билдирди.

Бу ҳақда Мексика ТИВнинг "Х"даги саҳифасида эълон қилинган баёнотида айтилади. "Давлат котиби Марко Рубио Мексикага миграция ва хавфсизлик масалалари бўйича мувофиқлаштирилган ва ўзаро ҳурмат асосида олиб бораётган фаолияти учун миннатдорчилик билдирди, бу эса бошқа нарсалар қатори ноқонуний миграция оқимини камайтиришга ёрдам берди”, — дейилади хабарда.

Бундан ташқари, Рубио “АҚШдан Мексика ва минтақадаги бошқа мамлакатларга қурол-яроғларнинг ноқонуний олиб ўтилишини уларнинг суверенитетини ҳурмат қилган ҳолда назорат қилиш чораларини кўриш зарурлигини” таъкидлади.

Ўз навбатида, де ла Фуэнте ҳамкасбига Мексика, АҚШ ва Канада ўртасидаги эркин савдо тўғрисидаги уч томонлама келишувни “уч давлат учун фойдали” сифатида сақлаб қолиш муҳимлигини таъкидлади.

Аввалроқ The New York Post газетаси АҚШ ички хавфсизлик департаментидаги манбаларга таяниб, март ойида АҚШ ва Мексика ўртасидаги чегарани ноқонуний кесиб ўтишлар сони рекорд даражага этгани ҳақида хабар берган эди.

Март ойида чегарачилар атиги 7 мингга яқин ноқонуний кириш уринишини қайд этган.