Данияда АҚШнинг Гренландияга нисбатан сиёсатига қарши намойишлар бўлиб ўтди

Даниянинг энг йирик шаҳарлари Орхус ва Копенгагенда АҚШнинг Гренландияга нисбатан сиёсатига қарши намойишлар бўлиб ўтди.

Danmarks radio хабарига кўра, "Гренландия Гренландияга тегишли" шиори остидаги намойиш учун пойтахтдаги Америка элчихонасида 800 дан 1000 нафаргача одам йиғилган.

Намойишчилар АҚШ президенти Дональд Трамп Қўшма Штатлар Гренландияни назорат қилмоқчи эканлигини бир неча бор айтганидан кейин тўпланган.

"Гренландияга ҳам, Данияга ҳам бундай босимни қабул қилиб бўлмайди. Биз бу нормал эмаслигини кўрсатмоқчимиз. Бу қўпол қоидабузарлик", - дейди ташкилотчилардан бири Карен Литтауер.

Эслатиб ўтамиз, норозилик намойишлари АҚШ вице-президенти Жэй Вэнс 28 март куни Гренландиядаги Американинг Питуффик ҳарбий базасида Копенгаген орол хавфсизлигини таъминлаш учун етарлича чоралар кўрмаётганини айтганидан сўнг бўлиб ўтди. Дания Бош вазири Метте Фредериксен қиролликни танқид қилишни адолатсиз деб атади.