Чили жанубидаги ўрмон ёнғинлари натижасида камида 19 киши ҳалок бўлди.
Ички ишлар вазири Альваро Элисальде бу ҳақда Миллий табиий офатларни бошқариш хизмати матбуот анжуманида маълум қилди.
"Бугунги кунга келиб, бизда 19 киши ҳалок бўлгани ҳақида маълумот бор ва 630 киши вақтинчалик бошпаналарга жойлаштирилди", деди у.
Ёнғинлар камида 325 та уйни вайрон қилди. Жабрланган аҳоли сони 1500 дан ортиқ деб тахмин қилинмоқда. Бир нечта жамоаларда эвакуация буюрилган. Чили Миллий ўрмон корпорацияси душанба куни кечқурунгача ўт ўчирувчилар ҳали ҳам 31 та ёнғинга қарши курашаётганини, жами 32 600 гектардан ортиқ майдон ёниб кетганини маълум қилди.
Кучли ёнғинлар 17 январь куни қуруқ ва иссиқ об-ҳаво шароитида бошланган. Энг жиддий ёнғинлар фавқулодда ҳолат эълон қилинган Био-Био ва Невбле ҳудудларида қайд этилган.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
