"Чидаб бўлмас": Ғазода вазият оғирлашмоқда, озиқ-овқат ва сув захиралари тугаб бормоқда

Бирлашган Миллатлар Ташкилотининг Фаластин қочқинлари бўйича агентлиги (UNRWA) Ғазода гуманитар инқироз кучайиб бораётгани ҳақида огоҳлантирди.

Минглаб оилалар учун озиқ-овқат ва ичимлик суви тобора тақчил бўлиб бормоқда.

UNRWA маълум қилишича, "Ғазо секторида блокада ва деярли олти ҳафта давомида ёрдам берилмагани сабабли озиқ-овқат ва тоза сув танқислиги юзага келган."

Агентлик аҳолининг ўсиб бораётган эҳтиёжларини қондириш учун шошилинч инсонпарварлик ёрдами зарурлигини алоҳида таъкидлади.