Чехиялик олим ой чангини ўзлаштириб олгани учун судланди

Der Spiegel'нинг хабар беришича, энди унинг оиласи ушбу моддани Чехия Фанлар академиясига топшириши керак, суд шундай қарор чиқарди.

"Олимнинг оиласи ўн йиллар давомида уйида ой чангини сақлаб келгани унинг қариндошлари ушбу материални маданий бойлик сифатида хорижга олиб чиқиш учун ариза топширганда маълум бўлди. У чет элдаги коллекционерларга сотилиши мумкин эди", дея қайд этди нашр.

Олим ой жинси намуналарини 1970-йилларда Совет Иттифоқига қилган илмий сафари чоғида олган. Чехия Фанлар академияси материални ўзига қайтариб олишга қарор қилди, чунки тадқиқотчи СССРга хусусий шахс сифатида эмас, балки академия вакили сифатида борган.

Олимнинг қизи онаси ой тупроғини тўғридан-тўғри совет ҳамкасбларидан олганини ва оила уни ўз мулки деб ҳисоблаганини даъво қилмоқда.

Чехия Олий суди академия томонини олди. Олим намуналар "ҳеч қандай ҳолатда унинг тасарруфига ўтиб қолиши мумкин эмаслигини" билиши керак эди, деб қарор чиқарди суд.