Буюк Британия ва Франция тинчликпарвар куч сифатида Украинага десантчиларни юбориш бўйича машғулотлар ўтказди — The Telegraph.
Нашрнинг хабар беришича, Буюк Британия ва Франция десантчилари Франциянинг Бретан провинциясида машғулотлар ўтказди. Унда қўшинларни дунёнинг исталган нуқтасига тезкор равишда кўчириш амалиёти ишлаб чиқилди.
Машғулотларда Буюк Британиянинг 16–ҳаво-десант бригадаси ва Франциянинг 11–парашют-десант бригадасидан юзлаб ҳарбийлар иштирок этди. Ҳарбий манёврлар 24 феврал куни — Россиянинг Украинага қарши кенг кўламли уруши бошланганининг тўрт йиллиги муносабати билан ўтказилди. Улар 3 мартгача давом этадиган кенг кўламли “Орион” ҳарбий машғулотларининг бир қисми бўлган.
The Telegraph Бретандаги машғулотлар Британия ва Франция қўшинларини Украинага эҳтимолий тарзда тинчликпарвар кучлар сифатида юборишга тайёргарликнинг якуний босқичи бўлганини билдирган.
Хабарга кўра, ушбу кучлар урушни тўхтатиш бўйича келишув шартларига риоя этилишини таъминлаш учун керак бўлади.
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
Петербургда болани қутқарган ўзбекистонлик яна бир мукофотга сазовор бўлди
