Покистон-Афғонистон чегарасидаги вазият кескинлашди (видео)

Покистон ахборот вазири Аттауллоҳ Тарар мамлакат ҳаво кучлари Афғонистондаги бир нечта ҳарбий нишонларга, жумладан, пойтахт минтақасига зарба берганини эълон қилди.

Бу ҳақда Покистон ахборот вазири PTV телеканалига берган интервьюсида маълум қилди.

Вазирнинг сўзларига кўра, ҳаво ҳужумлари Афғонистон кучларининг Кобул, Қандаҳор ва Пактиядаги асосий объектларига зарба берган.

Унинг аниқлик киритишича, бир нечта бригада ва корпус штаб-квартираси, ўқ-дори омборлари ва логистика марказлари йўқ қилинган.