Буюк Британия Украинага ўз қўшинларини жойлаштиришга мажбур бўлади, қачонки...

Агар Доналд Трамп лавозимига киришганидан кейин Киевга ёрдамни қисқартирса, катта эҳтимол билан Буюк Британия Украинага ўз қўшинларини жойлаштиришга мажбур бўлади. Бу ҳақда Буюк Британиянинг собиқ бош вазири Борис Жонсон GB News учун интервьюсида маълум қилди.

Жонсон Украинани қўллаб-қувватлаш Россия томонидан Европанинг бошқа мамлакатларига таҳдидларнинг олдини олиш учун муҳимлигини таъкидлади. Унинг сўзларига кўра, Украинанинг мағлубияти Европа қитъаси чегараларида янада каттароқ таҳдидни юзага келтиради.

Жонсоннинг фикрича, Украинани молиялаштиришни давом эттириш "ақлли инвестиция" ҳисобланади, бу стратегиядан воз кечиш эса келажакда Буюк Британия учун сезиларли даражада катта харажатларни келтириб чиқаради. Унинг сўзларига кўра, бундай сценарий Буюк Британияни Украинага ўз қўшинларини жойлаштиришга мажбур қилади.