Буюк Британия Россия Федерал хавфсизлик ҳизмати (ФСБ)ни хакерлик ҳужумларида айблади.
Лондон Россия ФСБ билан алоқадор бўлган Callisto хакерлар гуруҳининг икки аъзосига қарши санкциялар жорий қилди. Уларнинг исмлари Андрей Коринц ва Руслан Перетятко, дея хабар беради Британия Молия вазирлиги.
Британия Россия разведка хизматлари британиялик юқори мартабали сиёсатчилар, шунингдек, журналистлар ва олимларга хакерлик ҳужумларини амалга оширишга уринганини эълон қилди. Россия Федерацияси олинган маълумотлардан "Британия сиёсати ва демократик жараёнларга аралашиш учун" фойдаланмоқчи эди, дея ҳисобламоқда расмий Лондон.
Британия ташқи ишлар вазири Дэвид Кэмерон Россиянинг Британия сиёсатига аралашишга уринишларини “мутлақо қабул қилиб бўлмас” деб атади. Россия элчиси Андрей Келин ҳолат юзасидан Британия Ташқи ишлар вазирлигига чақирилган.
