ҲАМАС расмийси Исроилнинг ўт очишни тўхтатиш шартларини бузганини маълум қилди.
ҲАМАСнинг юқори лавозимли амалдори Усама Ҳамдан айтишича, Исроил ўт очишни тўхтатиш келишувининг биринчи босқичидаги бир қатор шартларни бузган.
Ҳамдан телевидение орқали берган баёнотида қуйидаги бузилишларни санаб ўтди:
- Исроил қуролли кучлари ўт очишни тўхтатиш режимини 962 марта бузиб, тинчлик битими даврида 116 нафар фаластинликни ўлдирган.
- Исроил келишувда кўзда тутилган кунига 50 та эмас, балки ўртача 23 та ёқилғи ташувчи автомобилга рухсат берган.
- Исроил ёқилғининг тижорий импортига йўл қўймаган.
- Исроил Ғазога келишувда белгиланган 60 минг ўрнига атиги 15 та кўчма уйни киритишга рухсат берган.
- Ғазога вайроналарни тозалаш учун тўққизта оғир техника юборилган, ваҳоланки бунинг учун камида 500 та керак эди.
- Қайта қуриш материаллари ва тиббий жиҳозлар чекланган миқдорда киритилган.
- Исроил электр станциясини қайта ишга туширишга рухсат бермаган.
