Пайшанба куни эрта тонгда Брюссель марказида сингапурлик талабанинг қорнига номаълум шахс пичоқ санчди. Воқеа жойига полиция ва тез ёрдам хизмати етиб келгач, 25 ёшли сингапурлик тез ёрдам машинасида шифохонага олиб кетилган ва у олган жароҳатлари туфайли вафот этган.
Маҳаллий полиция маълумотларига кўра, 25 ёшли йигит Бельгияда талаба бўлган, бироқ унинг қаерда таҳсил олгани ҳақидаги маълумотлар ошкор этилмаган.
У Брюссель шаҳрида икки дўсти билан Beurs ҳудудида бўлганида, полиция ҳисоботига кўра, уларга яна икки ёш йигит келиб, улардан сигарет сўради. Кейин талабанинг телефонини беришини талаб қилган, лекин у беришдан бош тортган.
Ҳужумчилар сингапурликни пичоқлаб, воқеа жойидан қочиб кетган.
"Икки гумондор тезда аниқланди", - дейилади прокуратура баёнотида. “Уларнинг иккаласи ҳам 18 ёшда. Биз уларнинг уйларини тинтув қилиб, ҳибсга олдик”.
Пичоқбозлик сабаблари ноаниқлигича қоляпти, чунки на полиция, на прокуратура тергов давомида ҳеч қандай маълумот бермаган.
Европа пойтахти марказидаги жиноий вазият оғирлигича қоляпти. Кечқурун бир қатор ҳудудларда гиёҳванд моддалар тўдалари ўртасида тўқнашувлар содир бўлиб, чўнтак ўғрилик ва талончилик ҳолатлари тез-тез учраб туради.
Британия рекорд миқдордаги аскарини йўқотди
АҚШ Украинанинг Россия ҳужумини тўхтата олмаслигини эълон қилди
Ғарб Россиянинг Украинадаги ғалаба йўлини эълон қилди
