Британиялик дипломат АҚШнинг Эрондаги операциясини муваффақиятсизлик деб атади

Буюк Британиянинг Ўзбекистондаги собиқ элчиси Крейг Мюррейнинг айтишича, АҚШ ва Исроилнинг Эронга қарши ҳарбий операцияси тўлиқ муваффақиятсизликка учраган.

Дипломат бу ҳақда X ижтимоий тармоғида ёзиб, уруш ҳеч қандай натижа бермаганини ва тинч аҳоли қурбонлари билан якунланганини таъкидлади.

Мюррейнинг фикрича, бу можаро нафақат Эрон цивилизациясига, балки жаҳон иқтисодиётига ҳам жиддий зарар етказган.

Унинг сўзларига кўра, мазкур операция Исроил учун Жанубий Ливанни аннексия қилишга уринишни яшириш учун ниқоб вазифасини ҳам ўтаётган бўлиши мумкин.