Британия шаҳзодалари Гарри ва Уилям Меган Марклни деб муштлашган. Бу ҳақда Гарри ўзининг Spare номли автобиографик китобида айтиб ўтди, деб ёзади The Guardian.
Ҳодиса 2019 йили Лондонда ака-ука ўртасида жанжал ва муносабатлардаги “фалокат” ҳақидаги суҳбат пайти содир бўлган.
Уилям Меганни “қўпол” ва “терс” деб атаган, Гарри эса катта акаси “ўзини меросхўрдек тутгани” ва унинг муаммоларини тушунмаётганини қоралаган.
Шундан сўнг, катта акаси, кичигининг сўзларига кўра, “унинг ёқасидан ушлаб, бўйинбоғини йиртиб ташлаган ва уни ерга улоқтирган”
“Мен итнинг идишига йиқилдим, у тагимда синиб кетди, парчалар эса менга кирди. Бир муддат ўша ерда ётиб, довдираб қолдим, кейин ўрнимдан турдим ва унга чиқиб кетишини айтдим”, дея ёзади Гарри.
Гаррининг қўшимча қилишича, Уилям уни жавоб қайтаришга ундаган, кейин кетган, лекин тез орада узр сўраб қайтган.
