Британия қўшинлари Украинага жанг қилиш учун эмас, балки украиналик аскарларни тайёрлаш учун юборилган

Бу ҳақда The Telegraph нашри хабар бермоқда.

Буюк Британия мудофаа вазири Жон Хили Украинага юборилаётган Британия контингенти жанговар ҳаракатларда қатнашмаслигини ва Украина Қуролли кучларини тайёрлаш ва уларнинг жанговар қобилиятини тиклашга эътибор қаратишини тасдиқлади.

The Telegraph нашрининг ёзишича, қўшинлар Украина ғарбида, фронт чизиғидан узоқда жойлаштирилади.

Шунингдек, қироллик ҳаво кучлари ва денгиз флоти томонидан Украина ҳаво ҳудуди ва ҳудудий сувларини қўллаб-қувватлаш ҳам режалаштирилган.