Бразилиялик 105 ёшли Маноэл Ангелим Дино ва 101 ёшли Мария де Соуза Дино энг узоқ давом этган никоҳ рекордини ўрнатишди. Улар 84 йилу 77 кундан бери бирга яшаб келмоқда. Бу ҳақда Гиннес рекордлар китоби сайтида хабар берилди.
Маноэл ва Мария 1936 йилда танишишган. Маноэл Мария яшайдиган шаҳарга анъанавий ширинлик – рападура олиб кетиш учун келган. Улар илк бор ўша пайтда учрашишган.
1940 йилда улар яна тасодифан учрашиб қолишган. Шунда Маноэл Марияни учрашувга таклиф қилган ва ўша йилнинг ўзида улар турмуш қуришган. Эр-хотин Маноэл ўз қўли билан қурган уйда яшаб, тамаки етиштириш билан шуғулланган.
Улар биргаликда 13 нафар фарзандли, 55 нафар набира, 54 нафар эвара ва 12 нафар чеварали бўлишди.
Узоқ ва мустаҳкам никоҳнинг сирини сўраганларида, Мария шундай жавоб беради: «муҳаббат».
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
