Бразилияда минглаб одамлар судья Александри де Мораиснинг Х ижтимоий тармоғини блоклаш қарорига норозилик билдириш учун кўчаларга чиқди. Бу ҳақда РИА Новости хабар бермоқда .
Агентлик маълумотларига кўра, Рио-де-Жанейродаги Копакабана пляжида юзлаб фуқаролар йиғилган . Улар судьянинг истеъфосини талаб қилишмоқда.
Яна бир йирик акция Сан-Паулуда бўлиб ўтди. Унда Бразилиянинг собиқ президенти Жаир Болсонаро ва унинг ўғли Эдуардо иштирок этди, улар мамлакат байроғи олдида Х логотипи туширилган футболка кийиб юришди.
