Бразилия кўршапалакларида янги вирус тури аниқланди. Унинг намуналари бир вақтнинг ўзида икки штатда – Маранян ва Сан-Паулу ҳудудларида топилган. Бу ҳақда “Bloomberg” хабар берди.
Қайд этилишича, вируснинг генетик хусусиятлари COVID-19 ва Яқин Шарқ респиратор синдромини (MERS) келтириб чиқарадиган вирусларга ўхшаш. Унга аллақачон BRZ batCoV номи берилган. Вирус Лотин Америкасида кенг тарқалган, ҳашаротлар билан озиқланадиган кичик турдаги кўршапалакларда топилган.
Тадқиқот натижаларига кўра, BRZ batCoV бета-коронавируслар оиласига мансуб бўлиб, унга COVID-19 ( SARS-CoV-2), MERS (MERS-CoV) ва атипик зотилжам (SARS-CoV) келтириб чиқарувчи вируслар киради.
Олимларнинг сўзларига кўра, ҳозирча янги вирус инсон учун хавф туғдирмайди. Шунга қарамай, улар бир жиҳатга эътибор қаратган – вируснинг санчиқсимон оқсил қисми одам ва ҳайвон ҳужайраларидаги ферментлар томонидан парчаланиши мумкин, бу эса вируснинг организмга киришига ёрдам беради.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
