Бразилияда cобиқ UFC жангчиси Майкел Фалкао пичоқланиши оқибатида ҳаётдан кўз юмган. Бу ҳақда MMA Fighting хабар бермоқда.
Қайд этилишича, спортчи ҳужумга учраган ва бир нечта пичоқ жароҳати олган. Фалкан касалхонага олиб борилган, аммо шифокорлар унинг ҳаётини сақлаб қола олмаган.
Фалкао охирги марта октагонга 2019 йилнинг 14 декабрида Krepost Fighting Championship турнири доирасида чиқиб, россиялик Сергей Романовга ютқазган эди.
Фалкао UFCдаги ягона жангини 2010 йилда Жералд Харрисга қарши ўтказиб, ғалабага эришганди.