Бразилия Таълим вазирлиги мамлакатдаги айрим мактаблар ўқув дастурига рус тилини чет тили сифатида киритишга розилик билдирди. Бу ҳақда Россия Таълим вазирлиги матбуот хизмати маълум қилди.
Маълумотга кўра, 22 июль куни икки мамлакат таълим идоралари ўртасида ўтказилган онлайн учрашувда Бразилияда рус тилини оммалаштириш ва таълим соҳасидаги ҳамкорлик масалалари муҳокама қилинган.
Россия Таълим вазирлиги баёнотида томонлар болалар дам олиши ва соғломлаштириш, шунингдек, ўрта махсус касб-ҳунар таълими соҳаларида қўшма таълим ташаббусларини амалга оширишдан манфаатдор эканини тасдиқлагани қайд этилган.
Россия томони таълим соҳасида доимий мулоқотни давом эттириш ва тўпланган тажриба билан ўртоқлашишга тайёрлигини билдирган.
Бразилия Таълим вазирлиги эса рус тилини ўқитиш дастурини амалга оширишда малакали ўқитувчилар тайёрлаш устувор вазифалардан бири бўлишини таъкидлади.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
