Штутгарт аэропорти бомба портлаши таҳдиди сабаб тахминан бир ярим соат давомида парвозларни тўхтатиб турди. Бу ҳақда Tagesspiegel Германия федерал полициясига таяниб хабар берди.
Маълум қилинишича, 24 ёшли эркак текширувдан ўтганидан сўнг аэропорт ходимасига унинг юкида бомба борлигини айтган.
Шундан кейин полиция терминалларнинг назорат қилинадиган ҳудудидаги йўловчиларни эвакуация қилди. Соат 16:30 дан 18:00 гача аэропортга самолётларнинг қўниши ва парвоз қилиши вақтинча тўхтатилди.
Ҳудуд текшириб чиқилганидан сўнг ҳақиқий хавф мавжуд эмаслиги аниқланди. Эркак Мисрнинг Хургада шаҳрига учиши керак бўлган рейсдан олиб қолинди.
Унга нисбатан жиноят содир этиш билан таҳдид қилиш орқали жамоат тартибини бузганлик гумони бўйича тергов бошланди. Кейинчалик у қўйиб юборилди.
Нашр маълумотига кўра, хавфсизлик чоралари қарийб 3 минг нафар йўловчи ва 30 га яқин рейсга таъсир кўрсатган.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
