Боку ва Анқара коинот соҳасида ҳамкорликни кучайтирмоқда

Азеркосмос ва Туркия космик агентлиги ўртасида ўзаро англашув меморандуми имзоланди.

Ҳужжат Ерни масофадан туриб зондлаш ва технологияларни ривожлантириш соҳасида ҳамкорликни мустаҳкамлаш, шунингдек, тажриба ва билим алмашиш дастурларини кенгайтиришни назарда тутади.

Меморандум икки ташкилотнинг халқаро космик лойиҳалардаги биргаликдаги фаолиятига ҳам ҳисса қўшади.

Имзоланиш Париждаги 73-Халқаро астронавтика конгресси доирасида бўлиб ўтди.