Сўнгги ойларда БМТ Хавфсизлик Кенгаши томонидан Фаластин муаммоси бўйича қабул қилинган барча қарорлар ҳали ҳам қоғозда қолмоқда.
Бу ҳақда Россия ташқи ишлар вазири Сергей Лавров Хавфсизлик кенгашининг Яқин Шарқдаги вазиятга бағишланган йиғилишида маълум қилди.
«Сўнгги 10 ой ичида тўртинчи марта Хавфсизлик Кенгаши вазирларни таклиф қилган йиғилиш ўтказмоқда. 4 та резолюция қабул қилинди. Бироқ босиб олинган Фаластин ҳудудларида давом этаётган қон тўкилиши бу қарорларнинг барчаси қоғозда қолганини тасдиқлайди», — деди Россия ТИВ раҳбари.
Вазирнинг сўзларига кўра, Ғазо секторида ҳарбий ҳаракатлар тўхтатилиши Фаластин давлатини яратиш бўйича музокараларни қайта бошлаш учун шароит яратади.
«Аввало, ҳарбий ҳаракатларни тўхтатинг, операцияни тўхтатинг, номаълум сулҳ эълон қилинг, муҳим гуманитар муаммоларни ҳал қилинг ва, албатта, Исроилнинг ноқонуний аҳоли пунктларини яратишдаги фаолиятини тўхтатинг», — деди Сергей Лавров.
Россия Федерацияси доимий ва кенг миқёсда ўт очишни тўхтатиш тарафдори. Россия ТИВ раҳбари бу 7 октабрдан бери ўзбошимчалик билан ҳибсга олинган 120 нафар исроиллик ва 9,5 мингга яқин фаластинликни озод қилиш имконини беришига ишонч билдирди.
Унинг фикрича, Ғазо ва Ғарбий Соҳилдаги турли гуруҳларга таъсир кўрсатадиган барча ташқи ўйинчиларнинг учрашуви ҳам келишувга ёрдам бериши мумкин.
Россия Украина ҳудудини «рекорд тезликда» эгаллаб олди
Россия Эронни огоҳлантиргани маълум бўлди
Украина фронтининг «қулаши» эълон қилинди
