БМТ агентлиги Ғазо секторига гуманитар ёрдам етказиб беришни тўхтатди

БАПОР тез-тез автомобилларни тўнаш, ўғирлаш ва ҳалок бўлган ходимларнинг "мисли кўрилмаган сони" сабабли Ғазо секторига гуманитар ёрдам етказилиши тўхтатилганини эълон қилди, деб ёзади DW.

Бирлашган Миллатлар Ташкилотининг Яқин Шарқдаги Фаластинлик қочқинларга ёрдам кўрсатиш агентлиги (БАПОР) ўғирлик ва автомобилларни тўнаш ҳолатлари кўпайганлиги сабабли Ғазо секторига гуманитар ёрдам етказилишини тўхтатишга қарор қилди.

Агентлик маълумотларига кўра, 16 ноябрь куни гуманитар юк ортилган юк машиналари карвони қуролли гуруҳлар томонидан қўлга олинган. 30 ноябрь куни ҳам худди шундай ҳолат юз берди: бир нечта озиқ-овқат юк машиналари ўғирлаб кетилди.

“Гуманитар ишчилар ва юкларни ҳимоя қилиш масъулияти босқинчи давлат сифатида Исроилга юкланган. Улар Ғазо секторига ёрдам хавфсиз етказилишини таъминлаши керак”, – дея қайд этди ташкилот.

Агентлик матбуот котиби Луиза Уотрижнинг Ал-Жазира телеканалига айтишича, Исроилдан Ғазо секторига инсонпарварлик юкларининг асосий кириш нуқтаси бўлган Керем Шалом ўтиш жойи орқали ёрдам етказиш чоғида “кўплаб ҳамкасблари ҳалок бўлган”.

“Ушбу қарор фақат ушбу конвойларга хизмат кўрсатувчи гуманитар ходимларни ҳимоя қилиш ва хавфсизлигини таъминлаш учун қабул қилинди”, – деди Уотриж.

БАПОР раҳбари Филипп Лаззаринининг айтишича, инсонпарварлик ёрдамининг тўхтатилиши Ғазо секторидаги вазият бутунлай ёмонлашган бир пайтга тўғри келади. Унинг таъкидлашича, Ғазо секторига гуманитар юкларни етказишнинг имкони йўқлиги “Исроил расмийларининг тўсиқлари” билан боғлиқ.

Аввалроқ Исроил Бирлашган Миллатлар Ташкилотини БМТнинг Фаластинлик қочқинларга ёрдам кўрсатиш бўйича бош агентлиги (БАПОР) билан 1967 йилдан бери амалда бўлган муносабатларини тартибга солувчи келишувни бекор қилгани ҳақида расман хабардор қилган эди.

Халқаро ҳамжамият БАПОРни муқобил гуманитар агентликка алмаштириш бўйича режалаштирилмаган қонунчиликдан хавотир билдирди.