Bloomberg'нинг миллиардерлар рейтингидаги 20 нафар россияликни бойлиги 22 миллиард долларга ошди

Bloomberg Billionaires Index рейтингига кўра, россияликлар орасида энг бой шахс Алексей Мордашов (“Северсталь” ва "Nordgold" олтин қазиб олиш компанияси эгаси) ҳисобланиб, унинг бойлиги 29,9 миллиард долларни ташкил этади. У рўйхатда 81-ўринни эгаллаб турибди ва 2026 йил бошидан буён бойлиги 3,66 миллиард долларга кўпайди.

Россияликлар орасида бойлиги энг кўп ўсган шахс Андрей Мелниченко (“Еврохим” компанияси эгаси) бўлди. Йил бошидан буён унинг активлари қиймати 5,63 миллиард долларга ошиб, 24,6 миллиард долларга етди. Мелниченко рўйхатда 104-ўриндан жой олган.

Bloomberg Billionaires Index рейтингининг биринчи ўрнида эса 735 миллиард доллар бойлик билан бизнесмен Илон Маск турибди.