Лондон Қироллик коллежи олимлари бир марталик буюмларда ишлатиладиган пластикни қайта ишлашнинг инновацион усулини ишлаб чиқишди.
Усул биологик кир ювиш воситаларида кенг тарқалган ферментлардан фойдаланишга асосланган. Ушбу моддалар полимерларни парчалайди ва полилактик кислотадан тайёрланган биопластикларнинг атиги 24 соат ичида тўлиқ парчаланишини таъминлайди. Янги ёндашув одатда қайта ишлаш учун ишлатиладиган 12 ҳафталик саноат компостлаш жараёнидан 84 баравар тезроқ.
Маккажўхори крахмал, шакарқамиш каби биологик манбалардан олинган биопластиклар экологик жиҳатдан афзал деб ҳисобланса-да, биопластик ишлаб чиқариш учун мўлжалланган экинларни етиштириш учун ердан фойдаланиш қимматга тушади. Қолаверса, биопластикни қайта ишлаш усуллари самарасиз бўлиб, бу ундан қайта фойдаланишни қийинлаштиради, деб хабар беради lenta.ru.
