Россиялик олимлар Бехтерев касаллигини даволаш учун дори ишлаб чиқишди. У аутоиммун касалликларни даволаш учун янги истиқболларни очади.
Бехтерев касаллиги ёки анкилозловчи спондилит – бўғимлар ва умуртқа поғонасининг сурункали яллиғланиш касаллиги. У умуртқаларнинг бирлашишига олиб келади.
“Дори воситаси Бехтерев касаллигини даволаш учун мўлжалланган ва моноклонал антитанача бўлиб, у иммунитет тизими ҳужайраларининг кичик қисмини танлаб йўқ қилишга имкон беради, улар орасида тананинг ўз ҳужайраларига ҳужум қиладиган ва аутоиммун патология ривожланишини аниқлайдиган ҳужайралар мавжуд, дейилади баёнотда.
Дори воситаси Н.И.Пирогов номидаги Россия миллий тадқиқот тиббиёт университети олимларининг асл ишланмалари асосида яратилган. Клиник синовлар дори воситасини қўллаш касалликнинг ривожланишини тўхтатишга ва иммун тизимининг фаоллигини пасайтирадиган стандарт терапиядан воз кечишга имкон берди.
Тажрибалар ва клиник тадқиқотларда таклиф қилинган ҳамда тасдиқланган гипотеза истиқболда аутоиммун касалликларни, масалан, қандли диабетнинг биринчи турини даволайдиган дориларни ишлаб чиқишда кенг имкониятлар яратади, деб хабар беради tass.ru.
