Бензема Саудия Арабистони чемпионати туфайли фаолиятини якунлаши мумкин

Франциялик ҳужумчи Карим Бензема ёзда "Лион"га ўтиши мумкин эди.

Бу ҳақда L'Equipe хабар бермоқда.

Клуб раҳбарияти 38 ёшли форвард вариантини кўриб чиққан. Футболчи ҳурмат юзасидан жамоада бепул ўйнашга ҳам тайёр эди.

Аммо Бензема бошқа лигаларда ўйнай олмайди, чунки у ҳамон 2030 йилгача Саудия Арабистони чемпионати амбассадори бўлиб қолмоқда.

Футболчининг вакиллари бу чекловни олиб ташлаш бўйича музокаралар олиб боришди, аммо муҳокамалар боши берк кўчага кириб қолди. Бенземанинг фаолиятини якунлаш эҳтимоли жуда юқори.