Бельгия Россиянинг музлатилган активларидан фойдаланган ҳолда Украинага 210 миллиард евролик репарация кредитини қўллаб-қувватлаш эвазига Европа Иттифоқидан автоном кафолатлар талаб қилди.
Бу ҳақда Euractiv қўлга киритган ҳужжатларга таяниб хабар берди.
Маълумотларга кўра, ҳозирда бу таклиф Европа Иттифоқи элчилари томонидан муҳокама қилинмоқда.
Ҳужжатларга кўра, Бельгия Европа Иттифоқи давлатлари томонидан тақдим этилган кафолатлар “мустақил ва автоном” бўлишини ва ҳатто кредит ҳақиқий эмас деб топилган тақдирда ҳам ўз кучини сақлаб қолишини таъкидламоқда.
Бу талаблар Европа Иттифоқининг бўлажак Европа Кенгаши саммити олдидан Бельгияни қўллаб-қувватлашга қаратилган фаол ҳаракатлари фонида қўйилмоқда.
Бельгиянинг бошқа талаблари орасида Россиянинг даъволари бўйича юзага келиши мумкин бўлган ҳуқуқий харажатларни бошқа Европа Иттифоқи давлатлари қоплаши ҳамда Европа Иттифоқи мамлакатлари Москва билан янги сармоявий битимлар тузмасликлари ва мавжудларини бекор қилишлари шарт.
Ҳужжатларда таъкидланишича, бу чоралар Бельгияни Россия томонидан эҳтимолий жавоб чораларидан ҳимоя қилишга қаратилган. Хусусан, Бельгия ва Люксембург СССР билан 1989 йилда тузилган инвестиция шартномасини ҳали ҳам расмий равишда сақлаб келаётгани эслатилди.
Бундан ташқари, Бельгия Euroclearдан репарация кредити деб аталадиган нарса учун жавобгар бўлмаслигини ва депозитарий раҳбариятининг фақат қўпол эҳтиётсизлик ҳолатларида жавобгар бўлишини талаб қилади.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
