Бельгия Фаластинни тан олади ва Исроилга нисбатан қаттиқ санкциялар қўлланилади

Бельгия сентябрь ойида бўлиб ўтадиган Бирлашган Миллатлар Ташкилоти Бош Ассамблеясининг сессиясида Фаластин давлатини тан олади.

Бу ҳақда Бельгия ташқи ишлар вазири Максим Прево Х ижтимоий тармоғида ёзди.

"Бельгия БМТ сессиясида Фаластинни тан олади! Ва Исроилга нисбатан қаттиқ санкциялар қўлланилади. ҲАМАС тарафдорлари томонидан ҳар қандай антисемитизм ёки терроризмни улуғлаш ҳам кескин қораланади", деб ёзган у.

Қайд этилишича, Фаластин давлатини тан олиш Франция ва Саудия Арабистонининг қўшма ташаббуси доирасида амалга оширилади.