Беларус АҚШ таклифини қабул қилди

Беларус президенти Александр Лукашенко АҚШнинг Ғазо тинчлик кенгашига қўшилиш таклифини қабул қилди.

Бу ҳақда Беларус Ташқи ишлар вазирлиги маълум қилди.

Таъкидланишича, АҚШ президенти Дональд Трампнинг Александр Лукашенкога таклифи Беларусни Ғазо тинчлик кенгашининг асосчи аъзоси бўлишга ундайди.

"Биз Америка томони Белоруссияни мустаҳкам тинчлик ўрнатиш ва келажак авлодлар учун хавфсиз ва фаровон келажакка сармоя киритиш каби олийжаноб масъулиятни ўз зиммасига олишга тайёр мамлакат сифатида кўришини юқори баҳолаймиз. Таклиф Беларус Республикаси Президенти томонидан ижобий қабул қилинди”, деб таъкидлади вазирлик.

Беларус Ташқи ишлар вазирлиги Тинчлик кенгаши ўз доираси ва ваколатларини ташаббусда таклиф қилинган мандатдан анча ташқарига кенгайтиришига умид билдирди: “Бу унга ҳар қандай халқаро можароларни ҳал қилиш бўйича глобал жараёнларда фаол иштирок этиш имконини беради, бу эса охир-оқибат янги хавфсизлик архитектурасини яратишга ҳисса қўшади”.