Бедарак йўқолган икки альпинистнинг жасади топилди

Италиядаги Гран Сассо чўққисида бедарак йўқолган икки альпинистнинг жасади топилди.

Қутқарув гуруҳлари минтақадаги ноқулай об-ҳаво шароити туфайли қидирув ишларини икки кунга тўхтатган эди. Кеча қидирув-қутқарув ишлари давом эттирилди. Альпинистларнинг жасадлари тоғ этагидаги водийда аниқланиб, тегишли идораларга топширилди.

Эслатиб ўтамиз, Апеннин тоғларидаги Гран Сассо чўққисига чиққан икки альпинист 22 декабрь куни бедарак йўқолган эди.