Шомуродовнинг кейинги манзили Осиёми?

"Рома" марказий ҳужумчиси Элдор Шомуродовга Саудия Арабистонининг бир қанча клублари қизиқиш билдирмоқда.

Евро-Фоотбалл.ру интернет нашрининг хабар беришича, Саудия Арабистонининг бир қатор клублари қишки трансфер ойнасида 29 ёшли Шомуродовни таклиф қилмоқчи. Қолаверса, ҳужумчига Италия чемпионати жадвалининг иккинчи ярмида бораётган бир қанча жамоалардан қизиқиш бор.

"Рома" эса ўз навбатида ижарага қарши эмас. Олдинроқ жамоа бош мураббийи Клаудио Раньери ҳамюртимизни ўз режаларига киритмагани ва унинг кетишига қарши эмаслиги маълум бўлганди.