Байден Исроилни қуроллантиришни тўхтатмайди

Байден маъмурияти яҳудий давлати АҚШ томонидан бир ой олдин илгари сурилган шартларни бажара олмаганига қарамай, Исроилни қуроллантиришни давом эттиради. Бу ҳақда Давлат департаменти матбуот котиби Ведан Пател маълум қилди.

Давлат департаменти вакили Байден маъмурияти бугунги кунга қадар эришилган ютуқлардан мамнун эканини айтди ва «илғишлар тўлдирилиши ва давом эттирилиши керак» деди.

АҚШ Давлат котиби Энтони Блинкен ҳам чоршанба куни Исроил «ўз олдига қўйган мақсадларига эришганини» айтди ва яҳудий давлати гуманитар инқирозни белгиланган муддатдан олдин ҳал қилиш учун бир қатор қадамлар қўйганини таъкидлади.

Аввалроқ, октабр ойида АҚШ Давлат котиби Энтони Блинкен ва Мудофаа вазири Ллойд Остин Исроилни 30 кун ичида Ғазодаги гуманитар вазиятни яхшилаш бўйича шошилинч чоралар кўриш зарурлиги ҳақида огоҳлантириб, акс ҳолда Исроил армияси учун АҚШ маблағидан маҳрум бўлиш билан таҳдид қилган эди. .

Талабларни бажариш муддати 12 ноябрга етди, бироқ Исроил Ғазо секторига келаётган гуманитар ёрдам ҳажмини сезиларли даражада оширмади.

БМТ маълумотларига кўра, октябрь ойида Исроил қамалдаги Фаластин анклавига кунига ўртача 39 юк машинаси юклаган, Америка ультиматумига кўра Ғазога кириб келаётган ёрдам миқдори кунига 350 юк машинасига етказилиши керак эди.

Шунингдек, БМТ маълумотларига кўра, октябрь ойида Ғазонинг шимолий ҳудудларида (Жабалия, Байт Лаҳия ва Байт Ханун) деярли ёрдам олинмаган. Жаҳон озиқ-овқат дастури сўнгги бир неча кун ичида гуманитар ёрдам олиб кетаётган бор-йўғи 3 та юк машинаси Ғазо шимолига муваффақиятли етиб келганини маълум қилди.

Октябрь ойида АҚШ 2023 йил 7-октабрдан буён Исроил армиясини сақлаш учун рекорд даражадаги 17,9 миллиард доллар сарфлагани маълум бўлди, бу Исроилга бир йил ичида юборилган энг йирик ҳарбий ёрдам бўлди.