"Бавария", "Реал" ва "Барса" бир футболчи учун курашмоқда

"Бавария Жонатан Та билан музокараларни бошлади.

Бу - мюнхенликларнинг ҳимоядаги устувор трансфер мақсади, деб ёзади журналист Флориан Плеттенберг.

29 ёшли ҳимоячида "Бавария"дан ташқари яна бир неча вариант бор. Леверкузенликлар мураббийлигидан кетаётган Хаби Алонсо уни "Реал"га олиб кетмоқчи.

Жонатан "Барса" билан келишувга эришган, аммо каталонияликлар ҳали ҳам молиявий фейр-плей билан боғлиқ муаммоларга дуч келишмоқда.

Эслатиб ўтамиз, Та шартномаси якунлангани сабабли "Байер"ни тарк этади.